<GetPassage xmlns:tei="http://www.tei-c.org/ns/1.0" xmlns="http://chs.harvard.edu/xmlns/cts">
            <request>
                <requestName>GetPassage</requestName>
                <requestUrn>urn:cts:latinLit:phi0893.phi004.perseus-lat2:1.6.101-1.6.120</requestUrn>
            </request>
            <reply>
                <urn>urn:cts:latinLit:phi0893.phi004.perseus-lat2:1.6.101-1.6.120</urn>
                <passage>
                    <TEI xmlns="http://www.tei-c.org/ns/1.0"><text xml:lang="lat"><body><div xml:lang="lat" type="edition" n="urn:cts:latinLit:phi0893.phi004.perseus-lat2"><div type="textpart" n="1" subtype="book"><div type="textpart" n="6" subtype="poem"><l n="101">atque salutandi plures, ducendus et unus </l><l n="102">et comes alter, uti ne solus rusve peregre<add>ve</add> 
                  </l><l n="103">exirem, plures calones atque caballi </l><l n="104">pascendi, ducenda petorrita. nunc mihi curto </l><l n="105">ire licet mulo vel si libet usque Tarentum, </l><l n="106">mantica cui lumbos onere ulceret atque eques armos. </l><l n="107">obiciet nemo sordis mihi, quas tibi, Tulli, </l><l n="108">cum Tiburte via praetorem quinque secuntur </l><l n="109">te pueri, lasanum portantes oenophorumque. </l><l n="110">hoc ego commodius quam tu, praeclare senator, </l><l n="111">milibus atque aliis vivo. quacumque libido est, </l><l n="112">incedo solus, percontor quanti holus ac far, </l><l n="113">fallacem Circum vespertinumque pererro </l><l n="114">saepe forum, adsisto divinis, inde domum me </l><l n="115">ad porri et ciceris refero laganique catinum; </l><l n="116">cena ministratur pueris tribus et lapis albus </l><l n="117">pocula cum cyatho duo sustinet, adstat echinus </l><l n="118">vilis, cum patera guttus, Campana supellex. </l><l n="119">deinde eo dormitum, non sollicitus, mihi quod cras </l><l n="120">surgendum sit mane, obeundus Marsya, qui se </l></div></div></div></body></text></TEI>
                </passage>
            </reply>
            </GetPassage>