<GetPassage xmlns:tei="http://www.tei-c.org/ns/1.0" xmlns="http://chs.harvard.edu/xmlns/cts">
            <request>
                <requestName>GetPassage</requestName>
                <requestUrn>urn:cts:latinLit:phi0893.phi004.perseus-lat2:1.2.81-1.2.100</requestUrn>
            </request>
            <reply>
                <urn>urn:cts:latinLit:phi0893.phi004.perseus-lat2:1.2.81-1.2.100</urn>
                <passage>
                    <TEI xmlns="http://www.tei-c.org/ns/1.0"><text xml:lang="lat"><body><div xml:lang="lat" type="edition" n="urn:cts:latinLit:phi0893.phi004.perseus-lat2"><div type="textpart" n="1" subtype="book"><div type="textpart" n="2" subtype="poem"><l n="81">sit licet, hoc, Cerinthe, tuum tenerum est femur aut crus </l><l n="82">rectius, atque etiam melius persaepe togatae. </l><l n="83">adde huc, quod mercem sine fucis gestat, aperte </l><l n="84">quod venale habet ostendit nec, siquid honesti est, </l><l n="85">iactat habetque palam, quaerit, quo turpia celet. </l><l n="86">regibus hic mos est, ubi equos mercantur: opertos </l><l n="87">inspiciunt, ne si facies, ut saepe, decora </l><l n="88">molli fulta pede est, emptorem inducat hiantem, </l><l n="89">quod pulcrae clunes, breve quod caput, ardua cervix. </l><l n="90">hoc illi recte: ne corporis optima Lyncei </l><l n="91">contemplere oculis, Hypsaea caecior illa, </l><l n="92">quae mala sunt, spectes. ‘o crus, o bracchia.’ verum </l><l n="93">depygis, nasuta, brevi latere ac pede longo est. </l><l n="94">matronae praeter faciem nil cernere possis, </l><l n="95">cetera, ni Catia est, demissa veste tegentis. </l><l n="96">si interdicta petes, vallo circumdata — nam te </l><l n="97">hoc facit insanum — , multae tibi tum officient res, </l><l n="98">custodes, lectica, ciniflones, parasitae, </l><l n="99">ad talos stola demissa et circumdata palla, </l><l n="100">plurima, quae invideant pure adparere tibi rem. </l></div></div></div></body></text></TEI>
                </passage>
            </reply>
            </GetPassage>