atque, quae agitaverant, sine cunctatione confessi sunt. Increpantibus deinde universis eos ipse rex. quo suo merito tantum in semet cogitassent facinus, interrogat.
Stupentibus ceteris Hermolaus: “Nos vero,” inquit, “quoniam, quasi nescias, quaeris, occidendi te consilium iniimus, quia non ut ingenuis imperare coepisti,
sed quasi in mancipia dominari.” Primus ex omnibus pater ipsius
Sopolis parricidam etiam parentis sui clamitans esse
consurgit et ad os manu obiecta scelere et malis insanientem