GetPassage urn:cts:latinLit:phi0660.phi001.perseus-lat2:3.2.21-3.3.10 urn:cts:latinLit:phi0660.phi001.perseus-lat2:3.2.21-3.3.10

post haec carbaseis umorem tollere uelisatque in marmorea ponere sicca domo.Illic quas mittit diues Panchaia mercesEoique Arabes, diues et Assyria,et nostri memores lacrimae fundantur eodem: sic ego componi uersus in ossa uelim.Sed tristem mortis demonstret littera causamatque haec in celebri carmina fronte notet:Lygdamus hic situs est: dolor huic et cura Neaerae,coniugis ereptae, causa perire fuit.

Quid prodest caelum uotis implesse, Neaera,blandaque cum multa tura dedisse prece,non ut marmorei prodirem e limine tecti,insignis clara conspicuusque domo,aut ut multa mei renouarent iugera tauri et magnas messes terra benigna daret,sed tecum ut longae sociarem gaudia uitaeinque tuo caderet nostra senecta sinu,tum cum permenso defunctus tempore lucisnudus Lethaea cogerer ire rate?