Sed his ultro arrideo, et eorum ingenia admiror simul.Quicquid dicunt laudo: id rursum si negant, laudo id quoque.Negat quis? nego: ait? aio. Postremo imperavi egomet mihiOmnia assentari. Is quaestus nunc est multo uberrimus."Pa.Scitum hercle hominem! hic homines prorsum ex stultis insanos facit.Gn.Dum haec loquimur interea loci ad macellum ubi advenimus,Concurrunt laeti mihi obviam cupediarii omnes,Cetarii, lanii, coqui, fartores, piscatores;Quibus et re salva et perdita profueram, et prosum saepe.Salutant; ad coenam vocant; adventum gratulantur.Ille ubi miser famelicus videt me esse in tanto honore,Et tam facile victum quaerere, ibi homo coepit me obsecrareUt sibi liceret discere id de me: sectari iussi;Si potis est, tanquam philosophorum habent disciplina ex ipsisVocabula, parasiti item ut Gnathonici vocentur.Pa.Viden otium et cibus quid faciat alienus? Gn. Sed ego cessoAd Thaidem hanc deducere, et rogitare ad coenam ut veniat?Sed Parmenonem ante ostium Thaidis tristem video,Rivalis servum. Salva res est: nimirum homines frigent.Nebulonem hunc certum est ludere.