Sincere dici quidvis possem perpeti. Pa.Labascit victus uno verbo quam cito!Th.Ego non ex animo misera dico? quam iocoRem voluisti a me tandem quin perfeceris?Ego impetrare nequeo hoc abs te, biduumSaltem ut concedas solum? Ph. Siquidem biduum;Verum ne fiant isti viginti dies.Th.Profecto non plus biduum, aut — Ph. "Aut" nihil moror.Th.Non fiet: hoc modo sine te exorem. Ph. ScilicetFaciendum est quod vis. Th. Merito amo te. Ph. Bene facis.Rus ibo: ibi hoc me macerabo biduum.Ita facere certum est: mos gerendus est Thaidi.Tu, Parmeno, huc fac illi adducantur. Pa. Maxime.Ph.In hoc biduum Thais vale. Th. Mi PhaedriaEt tu; numquid vis aliud? Ph. Egone quid velim?Cum milite isto praesens absens ut sies;Noctes diesque me ames; me desideres;Me somnies; me expectes; de me cogites; Me speres; me te oblectes; mecum tota sis: