Quod tibi dem. Ba. Dignam me putas quam illudas? Sy. Non est temere.Ba.Etiamne tecum res hic mihi est? Sy. Minime: tuum tibi reddo. Ba.Eatur. Sy. Sequere hac. Heus, Dromo. Dr. Quis me vult? Sy. Syrus. Dr. Quid est rei?Sy.Ancillas omnes Bacchidis traduce huc ad vos propere.Dr.Quamobrem? Sy. Ne quaeras: efferant quae secum huc attulerunt.Sperabit sumtum tibi senex levatum esse harum abitu.Nae ille haud scit paullum lucri quantum ei damni apportet.Tu nescis id quod scis, Dromo, si sapies.