GetPassage urn:cts:latinLit:phi0134.phi002.perseus-lat2:717-724 urn:cts:latinLit:phi0134.phi002.perseus-lat2:717-724

Unus est dies, dum argentum eripio: pax: nihil amplius.Cl.Tantum sat habes? quid tum, quaeso, si hoc pater resciverit?Sy.Quid si redeo ad illos qui aiunt, "Quid si nunc coelum ruat?"Cl.Metuo quid agam. Sy. Metuis? quasi non ea potestas sit tua,Quo velis in tempore ut te exsolvas, rem facias palam.Cl.Age, age, traducatur Bacchis. Sy. Optime ipsa exit foras.

BACCHIS. CLINIA. SYRUS. DROMO. PHRYGIA.Ba.Satis pol proterve me Syri promissa huc induxerunt;Decem minas quas mihi dare pollicitus est. Quod si is nunc