Dicis? st! inveni nuper quandam. Ch. Frugi es: cedo, quid est?Sy.Dicam: verum, ut aliud ex alio incidit. Ch. Quidnam, Syre?Sy.Pessima haec est meretrix. Ch. Ita videtur. Sy. Immo si scias.Vah, vide, quod inceptet facinus. Fuit quaedam anus Corinthia
Hic: huic drachmarum argenti haec mille dederat mutuum.Ch.Quid tum? Sy. Ea mortua est: reliquit filiam adolescentulam.Ea relicta huic arrhaboni est pro illo argento. Ch. Intelligo. Sy.Hanc secum huc adduxit, ea quae est nunc apud uxorem tuam.