age, tibicen, quando bíbisti, refer ad labeas tibias,suffla celeriter tibi buccas quasi proserpens bestia,agedum. Stiche, uter démutassit, poculo multabitur.Stich.Bonum ius dicis. impetrare oportet qui aequom postulat.Sang.Age ergo observa. si pecassis, multam hic retinebo ilico.St.Optimum atque aequissimum oras. em tibi hoc primum omnium:haec facetiast, amare inter se rivalis duos,uno cantharo potare, únum scortum ducere.hoc memorabilest: ego tu sum, tu es ego, unianimi sumus,unam amicam amamus ambo, mecum ubi est, tecum est tamen;