GetPassage urn:cts:latinLit:phi0119.phi015.perseus-lat2:981-996 urn:cts:latinLit:phi0119.phi015.perseus-lat2:981-996

Quid iam?Mil.Quia incedunt cum anulatis auribus.Han.Adibo hosce atque áppellabo Punice.si respondebunt, Punice pergam loqui;si non, tum ad horum mores linguam vertero.Mil.Quid ais tu? écquid commeministi Punice?Agor.Nihil edepol. nam qui scire potui, dic mihi,qui illim sexennis perierim Carthagine?Han.Pro di immortales, plurumi ad illum modumperiere pueri liberi Carthagine.Mil.Quid ais tu?Agor.Quid vis?Mil.Vin appellem hunc Punice?Agor.An scis?Mil.Nullus me est hodie Poenus Poenior.Agor.Adi atque appella, quid velit, quid venerit,qui sit, quoiatis, unde sit: ne parseris.Mil.Avo. quoiates estis aut quo ex oppido?Han.Anno byn mytthymballe udradait annech.Agor.Quid ait?