Fácere amicum tibi me potis es sempiternum.Sag.Quem ad modum?Tox.Út mihi des nummos sescentos, quós pro capite illius pendam,quós continuo tibi reponam in hoc tríduo, aut quadriduo.age fí benignus, subveni.Sag.Qua cónfidentia rogare tu á med argentum tantum audes,ímpudens? quin si egomet totus véneam, vix recipi potis estquód tu me rogas; nam tú aquam a púmice nunc póstulas,qui ípsus sitiat.Tox.Sicine hoc te mihi fácere?Sag.Quid faciam?Tox.Rogas?alicúnde exora mutuom.Sag.Tu fác idem quod rogas me.Tox.Quaesivi, nusquam repperi.Sag.Quaeram equidem, si quis credat.Tox.Nempe habeo in mundo.Sag.Si id domi esset mihi, iam pollicerer:hoc meumst ut faciam sedulo.Tox.Quidquid erit, recipe te ad me.