Únde is?Tr.Quod me miseras, adfero omne impetratum.Th.Quid illíc, opsecro, tam diu destitisti?Tr.Seni non erat otium, id sum opperitus.Th.Antiquom optines hoc tuom, tardus ut sis.Tr.Heus tu, si voles verbum hóc cogitare,simul flare sorbereque haud factu facilest.ego híc esse et íllic simitu hau pótui.Th.Quid nunc?Tr.Vise, specta tuo usque arbitratu.Th.Age i, duce me.Tr.Num moror?Th.Supsequor te.Tr.Senex ipsus te ante ostium eccum opperitur.