Mittite ergo.Men.Quid me vobis tactiost?pecte pugnis.Mess.Agite abite, fugite hinc in malam crucem.em tibi etiam: quia postremus cedis, hoc praemi feres.nimis bene ora commetavi atque ex mea sententia.edepol, ere, ne tibi suppetias temperi adveni modo.Men.At tibi di semper, adulescens, quisquis es, faciant bene.nam absque te esset, hodie numquam ad solem occasum viverem.Mess.Ergo edepol, si recte facias, ere, med emittas manu.