GetPassage urn:cts:latinLit:phi0119.phi008.perseus-lat2:721-729 urn:cts:latinLit:phi0119.phi008.perseus-lat2:721-729

tu me sequere.Ther.Quo sequar te?Capp.Ad trapezitam meumad praetorem. nam inde rem solvo omnibus quibus debeo.Ther.Ego te in nervom, haud ad praetorem hinc rapiam, ni argentum refers.Capp.Ego te vehementer perire cupio, ne tu me nescias.Ther.Itane vero?Capp.Ita hercle vero.Ther.Novi ego hos pugnos meos.Capp.Quid tum?Ther.Quid tum, rogitas? hisce ego, si tu me irritaveris,placidum te hodie reddam.Capp.Age ergo, recipe áctutum.Ther.Licet.Phaed.Tu, miles, apud me cenabis. hodie fient nuptiae.Ther.Quae res bene vortat mi et vobis. spectatores, plaudite.