GetPassage urn:cts:latinLit:phi0119.phi006.perseus-lat2:488b-500a urn:cts:latinLit:phi0119.phi006.perseus-lat2:488b-500a

Age modo, fabricamini,malo hercle vestro tam vorsuti vivitis.Lys.Scin quid nunc facias?Ol.Loquere.Lys.Tene marsuppium,abi atque obsona, propera, sed lepide volo,molliculas escas, út ipsa mollicula est.Ol.Licet.Lys.Emito sepiolas, lepadas, lolligunculas,hordeías.Chal.Immo triticeías, si sapis.Lys.Soleas.Chal.Qui quaeso potius quam sculponeas,quibus báttuatur tíbi os, senex nequissime?Ol.Vin lingulacas?Lys.Quid opust, quando uxor domi est?ea lingulaca est nobis, nam numquam tacet.Ol.In re praesenti ex copia piscariaconsulere quid emam potero.Lys.Aéquom oras, abi.