ego pól illum probe íncommodís dictis ángam,fáciam uti proínde ut est dígnus vitám colat,Ácheruntis pábulum,flágiti persequentem†stabulúm nequitiae.nunc húc meas fortúnas eo quéstum ad vicínam.séd foris concrépuit, atque eápse eccam egreditúr foras:non pól per tempus iter húc mi incepi.

MyrrhinaSequimíni, comites, in próxumum me huc. heus vós, ecquis haec quae lóquor audit?ego hic éro, vir si aut quispiám quaeret.nam úbi domi sóla sum, sópor manus cálvitur.iussín colum ferrí mihi?Cleost.Myrrhína, salve.Myrr.Salvé mecastor. séd quid tu es tristís, amabo?Cleost.Itá solent omnes quae súnt male nuptae:domi ét foris aegre quód siet, satis sémper est.nam ego íbam ad te.Myrr.Et pol ego ístuc ad te.sed quíd est quod tuo nunc ánimo aegrest?nam quód tibi est aégre, idem mi ést dividiae.