Heus, Pythodice, sequere propere me ad macellum strenue.—Evcl.Illic hinc abiit. di immortales, obsecro, aurum quid valet.credo ego illúm iam inaudivisse mi esse thensaurum domi.id inhiat, ea affinitatem hanc obstinavit gratia.
ubi tu es, quae deblateravisti iam vicinis omnibus,meae me filiae daturum dotem? heus, Staphyla, te voco.ecquid audis? vascula intus pure propera atque elue:filiam despondi ego: hodie huic nuptum Megadoro dabo.Staphyla
Di bene vortant. verum ecastor non potest, subitum est nimis.Evcl.Tace atque abi. curata fac sint cum a foro redeam domum;