ἀνδράσιν οἰχομένοισι καὶ οὐ φεύγουσιν ὁμοῖοι,πίπτον ἐπʼ ἀλλήλοισι· πόλις δʼ οὐ χάνδανε λύθρονἀνδρῶν χηρεύουσα, περιπλήθουσα δὲ νεκρῶν. οὐδέ τι φειδωλή τις ἐγίνετο· φοιταλέῃ δὲσπερχόμενοι μάστιγι φιλαγρύπνοιο κυδοιμοῦοὐδὲ θεῶν ὄπιν εἶχον, ἀθεσμοτάτης δʼ ὑπὸ ῥιπῆςἀθανάτων ἔχραινον ἀπενθέας αἵματι βωμούς.οἰκτρότατοι δὲ γέροντες ἀτιμοτάτοισι φόνοισιν οὐδʼ ὀρθοὶ κτείνοντο, χαμαὶ δʼ ἱκετήσια γυῖατεινάμενοι πολιοῖσι κατεκλίνοντο καρήνοις.πολλὰ δὲ νήπια τέκνα μινυνθαδίων ἀπὸ μαζῶν