Τὴν δὲ μετʼ Αἰόλου εἰσὶ περίδρομοι εἰν ἁλὶ νῆσοι,Αἰόλου Ἱπποτάδαο, φιλοξείνου βασιλῆος,Αἰόλου, ὅς θηητὰ μετʼ ἀνδράσιν ἔλλαχε δῶρα,κοιρανίην ἀνέμων κλονεόντων θʼ ἱσταμένων τε.Ἑπτὰ δέ οἱ ταί γ᾿ εἰσίν,ἐπώνυμοι ἀνδράσι Πλωταί,οὕνεκα μέσσον ἔχουσι περίπλοον ἀμφιέλικτον.Τρινακίη δʼ ἐπὶ τῇσιν ὑπὲρ πέδον Αὐσονιήων ·ἐκτέταται, πλευρῇσιν ἐπὶ τρισὶν ἑστηκυῖα·ἄκρα δέ οἱ Πάχυνός τε Πελωρίς τε Λιλύβη τε.Ἀλλʼ ἤτοι Λιλύβη μὲν ἐπὶ ῥιπὴν ζεφύροιοεἰσανέχει, Πάχυνος δὲ πρὸς αὐγάς, αὐτὰρ ἐπʼ ἄρκτουςἠνεμόεσσα Πελωρὶς, ἐς Αὐσονίην ὁρόωσα. Τῆς μὲν πρὸς βορέην ὀλοὴ ναύτῃσι κέλευθος,στεινή τε σκολιή τε καὶ ἄσχετος, ἧχι θάλασσασυρομένη μακρῇσι περιβρέμεται σπιλάδεσσιν,Ἀονίῳ τμηθεῖσα πολυγλώχινι σιδήρῳ.Πρὸς δὲ νότον Λιβυκός τε πόρος καὶ Σύρτιδος ἀρχὴτῆς ἑτέρης· ἑτέρην δʼ ἂν ἴδοις προτέρωσε περήσας,ἑσπερίην· τῆς πρόσθε δύω νησῖδες ἔασι,Μῆνιγξ καὶ Κέρκιννα, Λιβυστικὸν ὅρμον ἔχουσαι.