πενταπόροις προχοῇσιν ἑλισσόμενος περὶ Πεύκην.Τοῦ μέν πρὸς βορέην τετανυσμένα φῦλα κέχυνταιπολλὰ μάλʼ ἑξείης Μαιώτιδος ἐς στόμα λίμνης.Γερμανοὶ Σαμάται τε Γέται θʼ ἅμα Βαστάρναι τε,Δακῶν τʼ ἄσπετος αἶα καὶ ἀλκήεντες Ἀλανοί,Ταῦροί θ᾿ , οἳ ναίουσιν Ἀχιλλῆος δρόμον αἰπύν,στεινὸν ὁμοῦ δολιχόν τε, καὶ αὐτῆς ἔς στόμα λίμνης.Τῶν δʼ ὕπερ ἐκτέταται πολυΐππων φῦλον Ἀγαυῶν·ἔνθα Μελάγχλαινοί τε καὶ ἀνέρες Ἱππημολγοί,Νευροί θʼ Γππόποδές τε Γιλωνοί τ᾿ ἠδ᾿ Ἀγαθυρεὸιςᾗχι Βορυσθένεος ποταμοῦ τετανυσμένον ὕδωρμίσγεται Εὐξείνῳ, Κριοῦ προπάροιθε μετώπου,ὀρθὸν ἐπὶ γραμμῇ κατεναντία Κυανεάων.Κεῖθι καὶ Ἀλδήσκοιο καὶ ὕδατα ΠαντικάπαοῬιπαίοις ἐν ὄρεσσι διάνδυχα μορμύρουσι.Τῶν δὲ παρὰ προχοῇσι πεπηγότος ἐγγύθι πόντουἡδυφαὴς ἤλεκτρος ἀέξεται, οἷά τις αὐγὴμήνης ἀρχομένης· ἀδάμαντά τε παμφανόωνταἐγγύθεν ἀθρήσειας ὑπὸ ψυχροῖς Ἀγαθύρσοις.Ἴστρου μὲν τοσσοίδε βορειότεροι γεγάασιν·