ἔνθα, κορυσσομένης Τυρσηνίδος ἀμφιτρίτης,ἄλλοτε μὲν πλημμυρὶς ἐγείρεται, ἄλλοτε δʼ αὖτεἄμπωτις ξηρῇσιν ἐπιτροχάει ψαμάθοισιν.Τάων δʼ ἀμφοτέρων μεσάτη πόλις ἐστηρικται,ἥν ῥά τε κικλήσκουσι Νέην πόλιν· ἧς ὑπὲρ αἶανΛωτοφάγοι ναίουσι, φιλόξεινοι γεγαῶτεςἔνθα ποτʼ αἰολόμητις ἀλώμενος ἦλθεν Ὀδυσσύς.Κεῖνον δ᾿ αὖ περὶ χῶρον ἐρημωθέντα μέλαθραἀνδρῶν ἀθρήσειας ἀποφθιμένων Νασαμώνων, οὓς Διὸς οὐκ ἀλέγοντας ἀπώλεσεν Αὐσονὶς αἰχμή.Ἀσβύσται δʼ ἰπὶ τοῖσι μεσήπειροι τελέθουσινκαὶ τέμενος Λιβυκοῖο θεοῦ ψαμάθῳ ὑπὸ πολλῇ,Κυρήνη τʼ εὔιππος, Ἀμυκλαίων γένος ἀνδρῶν·ἄγχι δὲ Μαρμαρίδαι προνενευκότες Αἰγύπτοιο,Γαίτουλοί τʼ ἐφύπερθε καὶ ἀγχίγυοι Νίγρητες.Ἑξείης δʼ ἐπὶ τοῖσι Φαρούσιοι, ὧν ὑπὲρ αἶανναίουσιν Γαράμαντες ἀπείριτοι· ἐν δὲ μυχοῖσιβόσκοντʼ ἠπείροιο πανύστατοι Αἰθιοπῆες,αὐτῷ ἐπʼ Ὠκεανῷ, πυμάτης παρὰ τέμπεα Κέρνης.Τῶν πάρος αἰθαλέων Βλεμύων ἀνέχουσι κολῶναι,