Τῆς καὶ ἀπὸ πληγῆς φέρεται λίπει εἴκελος ἰχώρ,ἄλλοτε δ’ αἱματόεις, τοτὲ δ’ ἄχροος· ἡ δ’ ἐπί οἱ σὰρξπολλάκι μὲν χλοάουσα βαρεῖ ἀναδέδρομεν οἴδει,ἄλλοτε φοινίσσουσα, τότ’ εἴδεται ἄντα πελιδνή·ἄλλοτε δ’ ὑδατόεν κυέει βάρος· αἱ δὲ χαμηλαὶπομφόλυγες ὡς εἴ τε περὶ φλύκταιναι ἀραιαὶοἷα πυρικμήτοιο χροὸς πλαδόωσιν ὕπερθεν.Σηπεδόνες δέ οἱ ἀμφὶς ἐπίδρομοι, αἱ μὲν ἄτερθεν,αἱ δὲ κατὰ πληγὴν ἰοειδέα λοιγὸν ἔασι.