αἰὲν ἐπιλλίζουσα φαείνεται ἐνδυκὲς ὄσσῳ·ἀλλ’ ὅταν ἢ δοῦπον νέον οὔασιν ἠέ τιν’ αὐγὴνἀθρήσῃ, νωθρὴ μὲν ἀπὸ ῥέθεος βάλεν ὕπνον,ὁλκῷ δὲ τροχόεσσαν ἅλων εἱλίξατο γαίῃ,λευγαλέον δ’ ἀνὰ μέσσα κάρη πεφρικὸς ἀείρει.Τῆς ἤτοι μῆκος μὲν, ὃ κύντατον ἔτρεφεν αἶα,ὀργυιῇ μετρητόν· ἀτὰρ περιφαίνεται εὖρος,ὅσσον τ’ αἰγανέης δορατοξόος ἤνυσε τέκτωνεἰς ἐνοπὴν ταύρων τε βαρυφθόγγων τε λεόντων.