ἔγχεσιν ἠδʼ ἐλάτῃς αὐτοσχεδὸν ὠριγνῶντο.ἐν δʼ Ἄρεος βλοσυροῖο ποδώκεες ἕστασαν ἵπποιχρύσεοι, ἐν δὲ καὶ αὐτὸς ἐναρσφόρος οὔλιος Ἄρηςαἰχμὴν ἐν χείρεσσιν ἔχων, πρυλέεσσι κελεύων,αἵματι φοινικόεις, ὡς εἰ ζωοὺς ἐναρίζωνδίφρου ἐπεμβεβαώς· παρὰ δὲ Δεῖμός τε Φόβος τεἕστασαν ἱέμενοι πόλεμον καταδύμεναι ἀνδρῶν.ἐν δὲ Διὸς θυγάτηρ ἀγελείη Τριτογένεια,τῇ ἰκέλη ὡς εἴ τε μάχην ἐθέλουσα κορύσσειν,ἔγχος ἔχουσʼ ἐν χερσὶν ἰδὲ χρυσέην τρυφάλειαναἰγίδα τʼ ἀμφʼ ὤμοις· ἐπὶ δʼ ᾤχετο φύλοπιν αἰνήν.ἐν δʼ ἦν ἀθανάτων ἱερὸς χορός· ἐν δʼ ἄρα μέσσῳἱμερόεν κιθάριζε Διὸς καὶ Λητοῦς υἱὸς