καὶ τοὺς μὲν πόλεμός τε κακὸς καὶ φύλοπις αἰνή,τοὺς μὲν ὑφʼ ἑπταπύλῳ Θήβῃ, Καδμηίδι γαίῃ,ὤλεσε μαρναμένους μήλων ἕνεκʼ Οἰδιπόδαο,τοὺς δὲ καὶ ἐν νήεσσιν ὑπὲρ μέγα λαῖτμα θαλάσσηςἐς Τροίην ἀγαγὼν Ἑλένης ἕνεκʼ ἠυκόμοιο.ἔνθʼ ἤτοι τοὺς μὲν θανάτου τέλος ἀμφεκάλυψε,τοῖς δὲ δίχʼ ἀνθρώπων βίοτον καὶ ἤθεʼ ὀπάσσαςΖεὺς Κρονίδης κατένασσε πατὴρ ἐς πείρατα γαίης.καὶ τοὶ μὲν ναίουσιν ἀκηδέα θυμὸν ἔχοντεςἐν μακάρων νήσοισι παρʼ Ὠκεανὸν βαθυδίνην,ὄλβιοι ἥρωες, τοῖσιν μελιηδέα καρπὸν