ἣ τέκε Περσεφόνην λευκώλενον, ἣν Ἀιδωνεὺςἥρπασε ἧς παρὰ μητρός· ἔδωκε δὲ μητίετα Ζεύς.μνημοσύνης δʼ ἐξαῦτις ἐράσσατο καλλικόμοιο, ἐξ ἧς οἱ Μοῦσαι χρυσάμπυκες ἐξεγένοντοἐννέα, τῇσιν ἅδον θαλίαι καὶ τέρψις ἀοιδῆς.Λητὼ δʼ Ἀπόλλωνα καὶ Ἄρτεμιν ἰοχέαιραν,ἱμερόεντα γόνον περὶ πάντων Οὐρανιώνων,γείνατʼ ἄρʼ αἰγιόχοιο Διὸς φιλότητι μιγεῖσα. λοισθοτάτην δʼ Ἥρην θαλερὴν ποιήσατʼ ἄκοιτιν·ἣ δʼ Ἥβην καὶ Ἄρηα καὶ Εἰλείθυιαν ἔτικτεμιχθεῖσʼ ἐν φιλότητι θεῶν βασιλῆι καὶ ἀνδρῶν.αὐτὸς δʼ ἐκ κεφαλῆς γλαυκώπιδα Τριτογένειανδεινὴν ἐγρεκύδοιμον ἀγέστρατον Ἀτρυτώνην