ὅστις γε τολμᾷς σῆμα τὸν βωμὸν καλεῖν.Εὐριπίδηςτί δὴ σὺ θάσσεις τάσδε τυμβήρεις ἕδραςφάρει καλυπτὸς ὦ ξένη;Μνησίλοχοςβιάζομαιγάμοισι Πρωτέως παιδὶ συμμεῖξαι λέχος.Γυνὴ Γτί ὦ κακόδαιμον ἐξαπατᾷς αὖ τὸν ξένον;οὗτος πανουργῶν δεῦρʼ ἀνῆλθεν ὦ ξένεὡς τὰς γυναῖκας ἐπὶ κλοπῇ τοῦ χρυσίου.Μνησίλοχοςβάυζε τοὐμὸν σῶμα βάλλουσα ψόγῳ.Εὐριπίδηςξένη τίς ἡ γραῦς ἡ κακορροθοῦσά σε;Μνησίλοχοςαὕτη Θεονόη Πρωτέως.Γυνὴ Γμὰ τὼ θεὼεἰ μὴ Κρίτυλλά γʼ Ἀντιθέου Γαργηττόθεν·σὺ δʼ εἶ πανοῦργος.Μνησίλοχοςὁπόσα τοι βούλει λέγε.οὐ γὰρ γαμοῦμαι σῷ κασιγνήτῳ ποτὲπροδοῦσα Μενέλεων τὸν ἐμὸν ἐν Τροίᾳ πόσιν.Εὐριπίδηςγύναι τί εἶπας; στρέψον ἀνταυγεῖς κόρας.Μνησίλοχοςαἰσχύνομαί σε τὰς γνάθους ὑβρισμένη.Εὐριπίδηςτουτὶ τί ἔστιν; ἀφασία τίς τοί μʼ ἔχει.