τάχα δὲ μεταβαλοῦσʼ ἐπὶ κακὸν ἑτερότροπονἐπέχει τύχη.ἀλλὰ τάσδε μὲν λαβεῖν χρῆν σʼ ἐκφέρειν τε τῶν ξύλων,καὶ καταίθειν τὸν πανοῦργον πυρπολεῖν θʼ ὅσον τάχος.

Γυνὴ Αἴωμεν ἐπὶ τὰς κληματίδας ὦ Μανία.κἀγώ σʼ ἀποδείξω θυμάλωπα τήμερον.Μνησίλοχοςὕφαπτε καὶ κάταιθε· σὺ δὲ τὸ Κρητικὸνἀπόδυθι ταχέως· τοῦ θανάτου δʼ ὦ παιδίονμόνην γυναικῶν αἰτιῶ τὴν μητέρα.τουτὶ τί ἔστιν; ἀσκὸς ἐγένεθʼ ἡ κόρηοἴνου πλέως καὶ ταῦτα Περσικὰς ἔχων.ὦ θερμόταται γυναῖκες, ὦ ποτίσταταικἀκ παντὸς ὑμεῖς μηχανώμεναι πιεῖν,ὦ μέγα καπήλοις ἀγαθὸν ἡμῖν δʼ αὖ κακόν,κακὸν δὲ καὶ τοῖς σκευαρίοις καὶ τῇ κρόκῃ.Γυνὴ Απαράβαλλε πολλὰς κληματίδας ὦ Μανία.Μνησίλοχοςπαράβαλλε δῆτα· σὺ δʼ ἀπόκριναί μοι τοδί,τουτὶ τεκεῖν φῄς;Γυνὴ Ακαὶ δέκα μῆνας αὔτʼ ἐγὼἤνεγκον.