καὶ σὺ ξυνέξευρʼ αὐτόν, ὡς ἂν τὴν χάρινταύτην τε κἀκείνην ἔχῃς ὦ πρόξενε.Κλεισθένηςφέρʼ ἴδω· τίς ἡ πρώτη σύ;Μνησίλοχοςποῖ τις τρέψεται;Κλεισθένηςζητητέαι γάρ ἐστε.Μνησίλοχοςκακοδαίμων ἐγώ.Γυνὴ Αἔμʼ ἥτις εἴμʼ ἤρου; Κλεωνύμου γυνή.Κλεισθένηςγιγνώσκεθʼ ὑμεῖς ἥτις ἔσθʼ ἥδʼ ἡ γυνή;Χορόςγιγνώσκομεν δῆτʼ. ἀλλὰ τὰς ἄλλας ἄθρει.Κλεισθένηςἡδὶ δὲ δὴ τίς ἐστιν ἡ τὸ παιδίονἔχουσα;Γυνὴ Ατίτθη νὴ Δίʼ ἐμή.Μνησίλοχοςδιοίχομαι.Κλεισθένηςαὕτη σὺ ποῖ στρέφει; μένʼ αὐτοῦ. τί τὸ κακόν;Μνησίλοχοςἔασον οὐρῆσαί μʼ.Κλεισθένηςἀναίσχυντός τις εἶ.σὺ δʼ οὖν ποίει τοῦτʼ. ἀναμενῶ γὰρ ἐνθάδε.Χορόςἀνάμενε δῆτα καὶ σκόπει γʼ αὐτὴν σφόδρα·μόνην γὰρ αὐτὴν ὦνερ οὐ γιγνώσκομεν.Κλεισθένηςπολύν γε χρόνον οὐρεῖς σύ.