ἡμῖν· ὁμόσε χωρῶμεν αὐταῖς ὦ Σκύθαιξυνταξάμενοι.Λυσιστράτηνὴ τὼ θεὼ γνώσεσθʼ ἄραὅτι καὶ παρʼ ἡμῖν εἰσι τέτταρες λόχοιμαχίμων γυναικῶν ἔνδον ἐξωπλισμένων.Πρόβουλοςἀποστρέφετε τὰς χεῖρας αὐτῶν ὦ Σκύθαι.Λυσιστράτηὦ ξύμμαχοι γυναῖκες ἐκθεῖτʼ ἔνδοθεν,ὦ σπερμαγοραιολεκιθολαχανοπώλιδες,ὦ σκοροδοπανδοκευτριαρτοπώλιδες,οὐχ ἕλξετʼ, οὐ παιήσετʼ, οὐκ ἀράξετε;οὐ λοιδορήσετʼ, οὐκ ἀναισχυντήσετε;παύσασθʼ, ἐπαναχωρεῖτε, μὴ σκυλεύετε.Πρόβουλοςοἴμʼ ὡς κακῶς πέπραγέ μου τὸ τοξικόν.Λυσιστράτηἀλλὰ τί γὰρ ᾤου; πότερον ἐπὶ δούλας τινὰςἥκειν ἐνόμισας, ἢ γυναιξὶν οὐκ οἴειχολὴν ἐνεῖναι;Πρόβουλοςνὴ τὸν Ἀπόλλω καὶ μάλαπολλήν γʼ, ἐάνπερ πλησίον κάπηλος ᾖ.
Χορὸς γερόντωνὦ πόλλʼ ἀναλώσας ἔπη πρόβουλε τῆσδε τῆς γῆς,τί τοῖσδε σαυτὸν ἐς λόγους τοῖς θηρίοις συνάπτεις;