σὺ δὲ τὴν σαυτοῦ γʼ ἀπένεγκε.Ἱεροκλῆςσπονδή.Τρυγαῖοςκαὶ ταυτὶ μετὰ τῆς σπονδῆς λαβὲ θᾶττον.Ἱεροκλῆςοὐδεὶς προσδώσει τῶν σπλάγχνων;Τρυγαῖοςοὐ γὰρ οἷόν τεἡμῖν προσδιδόναι, πρίν κεν λύκος οἶν ὑμεναιοῖ.Ἱεροκλῆςναὶ πρὸς τῶν γονάτων.Τρυγαῖοςἄλλως ὦ τᾶν ἱκετεύεις·οὐ γὰρ ποιήσεις λεῖον τὸν τραχὺν ἐχῖνον.

Τρυγαῖοςἄγε δὴ θεαταὶ δεῦρο συσπλαγχνεύετεμετὰ νῷν.Ἱεροκλῆςτί δὴ ʼγώ;Τρυγαῖοςτὴν Σίβυλλαν ἔσθιε.Ἱεροκλῆςοὔτοι μὰ τὴν γῆν ταῦτα κατέδεσθον μόνω,ἀλλʼ ἁρπάσομαι σφῷν αὐτά· κεῖται δʼ ἐν μέσῳ.Τρυγαῖοςὦ παῖε τὸν Βάκιν.Ἱεροκλῆςμαρτύρομαι.Τρυγαῖοςκἄγωγʼ ὅτι τένθης εἶ σὺ κἀλαζὼν ἀνήρ.παἶ αὐτὸν ἐπέχων τῷ ξύλῳ τὸν ἀλαζόνα.Οἰκέτηςσὺ μὲν οὖν· ἐγὼ δὲ τουτονὶ τῶν κῳδίων,