τί σοι πίθωμαι; λέγʼ ὅ τι βούλει πλὴν ἑνός.Βδελυκλέωνποίου; φέρʼ ἴδω.Φιλοκλέωντοῦ μὴ δικάζειν. τοῦτο δὲἍιδης διακρινεῖ πρότερον ἢ ʼγὼ πείσομαι.Βδελυκλέωνσὺ δʼ οὖν, ἐπειδὴ τοῦτο κεχάρηκας ποιῶν,ἐκεῖσε μὲν μηκέτι βάδιζʼ, ἀλλʼ ἐνθάδεαὐτοῦ μένων δίκαζε τοῖσιν οἰκέταις.Φιλοκλέωνπερὶ τοῦ; τί ληρεῖς;Βδελυκλέωνταὔθʼ ἅπερ ἐκεῖ πράττεται·ὅτι τὴν θύραν ἀνέῳξεν ἡ σηκὶς λάθρᾳ,ταύτης ἐπιβολὴν ψηφιεῖ μίαν μόνην.πάντως δὲ κἀκεῖ ταῦτʼ ἔδρας ἑκάστοτε.καὶ ταῦτα μέν νυν εὐλόγως, ἢν ἐξέχῃἕλη κατʼ ὄρθρον, ἡλιάσει πρὸς ἥλιον·ἐὰν δὲ νείφῃ, πρὸς τὸ πῦρ καθήμενος·ὕοντος εἴσει· κἄν ἔγρῃ μεσημβρινός,οὐδείς σʼ ἀποκλῄσει θεσμοθέτης τῇ κιγκλίδι.Φιλοκλέωντουτί μʼ ἀρέσκει.Βδελυκλέωνπρὸς δὲ τούτοις γʼ, ἢν δίκηνλέγῃ μακράν τις, οὐχὶ πεινῶν ἀναμενεῖς