ἴθʼ ἀντιβολῶ σʼ ἔκφρες με, μὴ διαρραγῶ.Βδελυκλέωνμὰ τὸν Ποσειδῶ Φιλοκλέων οὐδέποτέ γε.Φιλοκλέωνδιατρώξομαι τοίνυν ὀδὰξ τὸ δίκτυον.Βδελυκλέωνἀλλʼ οὐκ ἔχεις ὀδόντας.Φιλοκλέωνοἴμοι δείλαιος·τῶς ἄν σʼ ἀποκτείναιμι; πῶς; δότε μοι ξίφοςὅπως τάχιστʼ, ἢ πινάκιον τιμητικόν.Βδελυκλέωνἅνθρωπος οὗτος μέγα τι δρασείει κακόν.Φιλοκλέωνμὰ τὸν Δίʼ οὐ δῆτʼ, ἀλλʼ ἀποδόσθαι βούλομαιτὸν ὄνον ἄγων αὐτοῖσι τοῖς κανθηλίοις·νουμηνία γάρ ἐστιν.Βδελυκλέωνοὔκουν κἂν ἐγὼαὐτὸν ἀποδοίμην δῆτʼ ἄν;Φιλοκλέωνοὐχ ὥσπερ γʼ ἐγώ.Βδελυκλέωνμὰ Δίʼ ἀλλʼ ἄμεινον.Φιλοκλέωνἀλλὰ τὸν ὄνον ἔξαγε.Σωσίαςοἵαν πρόφασιν καθῆκεν, ὡς εἰρωνικῶς,ἵνʼ αὐτὸν ἐκπέμψειας.Βδελυκλέωνἀλλʼ οὐκ ἔσπασενταύτῃ γʼ· ἐγὼ γὰρ ᾐσθόμην τεχνωμένου.