οὐ μεῖζον εἶναι φαίνετʼ ἐξεύρημα τοῦ χιτῶνος.Κλέωνοἴμοι τάλας οἵοις πιθηκισμοῖς με περιελαύνεις.Ἀλλαντοπώληςοὔκ, ἀλλʼ ὅπερ πίνων ἀνὴρ πέπονθʼ ὅταν χεσείῃ,τοῖσιν τρόποις τοῖς σοῖσιν ὥσπερ βλαυτίοισι χρῶμαι.Κλέωνἀλλʼ οὐχ ὑπερβαλεῖ με θωπείαις· ἐγὼ γὰρ αὐτὸνπροσαμφιῶ τοδί· σὺ δʼ οἴμωζʼ ὦ πόνηρʼ.Δῆμοςἰαιβοῖ.οὐκ ἐς κόρακας ἀποφθερεῖ βύρσης κάκιστον ὄζων;Ἀλλαντοπώληςκαὶ τοῦτό γʼ ἐπίτηδές σε περιήμπεσχʼ, ἵνα σʼ ἀποπνίξῃ·καὶ πρότερον ἐπεβούλευσέ σοι. τὸν καυλὸν οἶσθʼ ἐκεῖνοντοῦ σιλφίου τὸν ἄξιον γενόμενον;Δῆμοςοἶδα μέντοι.Ἀλλαντοπώληςἐπίτηδες οὗτος αὐτὸν ἔσπευδʼ ἄξιον γενέσθαι,ἵνʼ ἐσθίοιτʼ ὠνούμενοι, κἄπειτʼ ἐν ἡλιαίᾳβδέοντες ἀλλήλους ἀποκτείνειαν οἱ δικασταί.Δῆμοςνὴ τὸν Ποσειδῶ καὶ πρὸς ἐμὲ τοῦτʼ εἶπʼ ἀνὴρ Κόπρειος.Ἀλλαντοπώληςοὐ γὰρ τόθʼ ὑμεῖς βδεόμενοι δήπου ʼγένεσθε πυρροί;Δῆμοςκαὶ νὴ Δίʼ ἦν γε τοῦτο Πυρράνδρου τὸ μηχάνημα.Κλέωνοἵοισί μʼ ὦ πανοῦργε βωμολοχεύμασιν ταράττεις.Ἀλλαντοπώληςἡ γὰρ θεός μʼ ἐκέλευσε νικῆσαί σʼ ἀλαζονείαις.