ἑτέραν ἔγχεον.Νικίαςἐν τοῖς λογίοις ἔνεστιν ἑτέραν ἔγχεον; Δημοσθένηςὦ Βάκι.Νικίαςτί ἔστι;Δημοσθένηςδὸς τὸ ποτήριον ταχύ.Νικίαςπολλῷ γʼ ὁ Βάκις ἐχρῆτο τῷ ποτηρίῳ.Δημοσθένηςὦ μιαρὲ Παφλαγὼν ταῦτʼ ἄρʼ ἐφυλάττου πάλαι,τὸν περὶ σεαυτοῦ χρησμὸν ὀρρωδῶν;Νικίαςτιή;Δημοσθένηςἐνταῦθʼ ἔνεστιν, αὐτὸς ὡς ἀπόλλυται.Νικίαςκαὶ πῶς;Δημοσθένηςὅπως; ὁ χρησμὸς ἄντικρυς λέγειὡς πρῶτα μὲν στυππειοπώλης γίγνεται,ὃς πρῶτος ἕξει τῆς πόλεως τὰ πράγματα.Νικίαςεἷς οὑτοσὶ πώλης. τί τοὐντεῦθεν; λέγε.Δημοσθένηςμετὰ τοῦτον αὖθις προβατοπώλης δεύτερος.Νικίαςδύο τώδε πώλα. καὶ τί τόνδε χρὴ παθεῖν;Δημοσθένηςκρατεῖν, ἕως ἕτερος ἀνὴρ βδελυρώτεροςαὐτοῦ γένοιτο· μετὰ δὲ ταῦτʼ ἀπόλλυται.ἐπιγίγνεται γὰρ βυρσοπώλης ὁ Παφλαγών,