ἠπιαλῶν γὰρ οἴκαδʼ ἐξ ἱππασίας βαδίζων,εἶτα κατάξειέ τις αὐτοῦ μεθύων τῆς κεφαλῆς Ὀρέστηςμαινόμενος· ὁ δὲ λίθον βαλεῖνβουλόμενος ἐν σκότῳ λάβοιτῇ χειρὶ πέλεθον ἀρτίως κεχεσμένον·ἐπᾴξειεν δʼ ἔχωντὸν μάρμαρον, κἄπειθʼ ἁμαρτὼνβάλοι Κρατῖνον.

Θεράπων Λαμάχουὦ δμῶες οἳ κατʼ οἶκόν ἐστε Λαμάχου,ὕδωρ ὕδωρ ἐν χυτριδίῳ θερμαίνετε·ὀθόνια, κηρωτὴν παρασκευάζετε,ἔριʼ οἰσυπηρά, λαμπάδιον περὶ τὸ σφυρόν.ἁνὴρ τέτρωται χάρακι διαπηδῶν τάφρον,καὶ τὸ σφυρὸν παλίνορρον ἐξεκόκκισεν,καὶ τῆς κεφαλῆς κατέαγε περὶ λίθῳ πεσών,καὶ Γοργόνʼ ἐξήγειρεν ἐκ τῆς ἀσπίδος.πτίλον δὲ τὸ μέγα κομπολακύθου πεσὸνπρὸς ταῖς πέτραισι, δεινὸν ἐξηύδα μέλος·ὦ κλεινὸν ὄμμα νῦν πανύστατόν σʼ ἰδὼνλείπω φάος γε τοὐμόν, οὐκέτʼ εἰμʼ ἐγώ.