GetPassage urn:cts:greekLit:tlg0012.tlg002.perseus-grc2:7.7-7.22 urn:cts:greekLit:tlg0012.tlg002.perseus-grc2:7.7-7.22

αὐτὴ δʼ ἐς θάλαμον ἑὸν ἤιε· δαῖε δέ οἱ πῦργρῆυς Ἀπειραίη, θαλαμηπόλος Εὐρυμέδουσα,τήν ποτʼ Ἀπείρηθεν νέες ἤγαγον ἀμφιέλισσαι·Ἀλκινόῳ δʼ αὐτὴν γέρας ἔξελον, οὕνεκα πᾶσινΦαιήκεσσιν ἄνασσε, θεοῦ δʼ ὣς δῆμος ἄκουεν·ἣ τρέφε Ναυσικάαν λευκώλενον ἐν μεγάροισιν.ἥ οἱ πῦρ ἀνέκαιε καὶ εἴσω δόρπον ἐκόσμει.καὶ τότʼ Ὀδυσσεὺς ὦρτο πόλινδʼ ἴμεν· ἀμφὶ δʼ Ἀθήνηπολλὴν ἠέρα χεῦε φίλα φρονέουσʼ Ὀδυσῆι,μή τις Φαιήκων μεγαθύμων ἀντιβολήσαςκερτομέοι τʼ ἐπέεσσι καὶ ἐξερέοιθʼ ὅτις εἴη.ἀλλʼ ὅτε δὴ ἄρʼ ἔμελλε πόλιν δύσεσθαι ἐραννήν,ἔνθα οἱ ἀντεβόλησε θεά, γλαυκῶπις Ἀθήνη,παρθενικῇ ἐικυῖα νεήνιδι, κάλπιν ἐχούσῃ.στῆ δὲ πρόσθʼ αὐτοῦ, ὁ δʼ ἀνείρετο δῖος Ὀδυσσεύς·ὦ τέκος, οὐκ ἄν μοι δόμον ἀνέρος ἡγήσαιο