καὶ μή μʼ ἐπίσχῃς γʼ· ἀλλʼ ἐμοὶ μὲν ἥδʼ ὁδὸςἔσται μέλουσα δύσποτμός τε καὶ κακὴπρὸς τοῦδε πατρὸς τῶν τε τοῦδʼ ἐρινύων·σφῷν δʼ εὖ διδοίη Ζεύς, τάδʼ εἰ θανόντι μοιτελεῖτʼ, ἐπεὶ οὔ μοι ζῶντί γʼ αὖθις ἕξετον.μέθεσθε δʼ ἤδη χαίρετόν τʼ· οὐ γάρ μʼ ἔτιβλέποντʼ ἐσόψεσθʼ αὖθις.Ἀντιγόνηὦ τάλαινʼ ἐγώ.Πολυνείκηςμή τοί μʼ ὀδύρου.Ἀντιγόνηκαὶ τίς ἄν σʼ ὁρμώμενονεἰς προὖπτον Ἅιδην οὐ καταστένοι, κάσι;Πολυνείκηςεἰ χρή, θανοῦμαι.Ἀντιγόνημὴ σύ γʼ, ἀλλʼ ἐμοὶ πιθοῦ.Πολυνείκηςμὴ πεῖθʼ ἃ μὴ δεῖ.Ἀντιγόνηδυστάλαινά τἄρʼ ἐγώ, εἴ σου στερηθῶ.