οὔτʼ εἰς ἔλεγχον χειρὸς οὐδʼ ἔργου μολών,πόλιν δὲ πείσας. ὧν ἐγὼ μάλιστα μὲντὴν σὴν ἐρινὺν αἰτίαν εἶναι λέγω.ἔπειτα κἀπὸ μάντεων ταύτῃ κλύω.ἐπεὶ γὰρ ἦλθον Ἄργος ἐς τὸ Δωρικόν,λαβὼν Ἄδραστον πενθερόν, ξυνωμόταςἔστησʼ ἐμαυτῷ γῆς ὅσοιπερ Ἀπίαςπρῶτοι καλοῦνται καὶ τετίμηνται δόρει,ὅπως τὸν ἑπτάλογχον ἐς Θήβας στόλονξὺν τοῖσδʼ ἀγείρας ἢ θάνοιμι πανδίκωςἢ τοὺς τάδʼ ἐκπράξαντας ἐκβάλοιμι γῆς.εἶεν· τί δῆτα νῦν ἀφιγμένος κυρῶ;σοὶ προστροπαίους, ὦ πάτερ, λιτὰς ἔχωναὐτός τʼ ἐμαυτοῦ ξυμμάχων τε τῶν ἐμῶν,οἳ νῦν σὺν ἑπτὰ τάξεσιν σὺν ἑπτά τε