πόλις γὰρ ἡμῖν ἁμὲ χρὴ τάσσειν ἐρεῖ;Αἵμωνὁρᾷς τόδʼ ὡς εἴρηκας ὡς ἄγαν νέος;Κρέωνἄλλῳ γὰρ ἢ ʼμοὶ χρή με τῆσδʼ ἄρχειν χθονός;Αἵμωνπόλις γὰρ οὐκ ἔσθʼ ἥτις ἀνδρός ἐσθʼ ἑνός.Κρέωνοὐ τοῦ κρατοῦντος ἡ πόλις νομίζεται;Αἵμωνκαλῶς γʼ ἐρήμης ἂν σὺ γῆς ἄρχοις μόνος.Κρέωνὅδʼ, ὡς ἔοικε, τῇ γυναικὶ συμμαχεῖ.Αἵμωνεἴπερ γυνὴ σύ. σοῦ γὰρ οὖν προκήδομαι.Κρέωνὦ παγκάκιστε, διὰ δίκης ἰὼν πατρί;Αἵμωνοὐ γὰρ δίκαιά σʼ ἐξαμαρτάνονθʼ ὁρῶ.Κρέωνἁμαρτάνω γὰρ τὰς ἐμὰς ἀρχὰς σέβων;Αἵμωνοὐ γὰρ σέβεις, τιμάς γε τὰς θεῶν πατῶν.Κρέωνὦ μιαρὸν ἦθος καὶ γυναικὸς ὕστερον.Αἵμωνοὔ τἂν ἕλοις ἥσσω γε τῶν αἰσχρῶν ἐμέ.Κρέωνὁ γοῦν λόγος σοι πᾶς ὑπὲρ κείνης ὅδε.Αἵμωνκαὶ σοῦ γε κἀμοῦ, καὶ θεῶν τῶν νερτέρων.Κρέωνταύτην ποτʼ οὐκ ἔσθʼ ὡς ἔτι ζῶσαν γαμεῖς.