ὁρῶ μέγιστον ἄλγος ἡ τάλαινʼ ἐγώ.Κάδμοςμῶν σοι λέοντι φαίνεται προσεικέναι;Ἀγαύηοὔκ, ἀλλὰ Πενθέως ἡ τάλαινʼ ἔχω κάρα.Κάδμοςᾠμωγμένον γε πρόσθεν ἢ σὲ γνωρίσαι.Ἀγαύητίς ἔκτανέν νιν;—πῶς ἐμὰς ἦλθεν χέρας;Κάδμοςδύστηνʼ ἀλήθειʼ, ὡς ἐν οὐ καιρῷ πάρει.Ἀγαύηλέγʼ, ὡς τὸ μέλλον καρδία πήδημʼ ἔχει.Κάδμοςσύ νιν κατέκτας καὶ κασίγνηται σέθεν.Ἀγαύηποῦ δʼ ὤλετʼ; ἦ κατʼ οἶκον; ἢ ποίοις τόποις;Κάδμοςοὗπερ πρὶν Ἀκτέωνα διέλαχον κύνες.Ἀγαύητί δʼ ἐς Κιθαιρῶνʼ ἦλθε δυσδαίμων ὅδε;Κάδμοςἐκερτόμει θεὸν σάς τε βακχείας μολών.Ἀγαύηἡμεῖς δʼ ἐκεῖσε τίνι τρόπῳ κατήραμεν;Κάδμοςἐμάνητε, πᾶσά τʼ ἐξεβακχεύθη πόλις.ἈγαύηΔιόνυσος ἡμᾶς ὤλεσʼ, ἄρτι μανθάνω.Κάδμοςὕβριν γʼ ὑβρισθείς· θεὸν γὰρ οὐχ ἡγεῖσθέ νιν.Ἀγαύητὸ φίλτατον δὲ σῶμα ποῦ παιδός, πάτερ;Κάδμοςἐγὼ μόλις τόδʼ ἐξερευνήσας φέρω.Ἀγαύηἦ πᾶν ἐν ἄρθροις συγκεκλῃμένον καλῶς;Κάδμος