βούλῃ παρόντος δῆτά σοι τούτου φράσω;Κρέωνκλύων γὰρ ἂν τέρποιτο τῆς σωτηρίας.Τειρεσίαςἄκουε δή νυν θεσφάτων ἐμῶν ὁδόν·ἃ δρῶντες ἂν σώσαιτε Καδμείων πόλινσφάξαι Μενοικέα τόνδε δεῖ σʼ ὑπὲρ πάτρας,σὸν παῖδʼ, ἐπειδὴ τὴν τύχην αὐτὸς καλεῖς.Κρέωντί φῄς; τίνʼ εἶπας τόνδε μῦθον, ὦ γέρον;Τειρεσίαςἅπερ πέφυκε, ταῦτα κἀνάγκη σὲ δρᾶν.Κρέωνὦ πολλὰ λέξας ἐν βραχεῖ χρόνῳ κακά.Τειρεσίαςσοί γʼ, ἀλλὰ πατρίδι μεγάλα καὶ σωτήρια.Κρέωνοὐκ ἔκλυον, οὐκ ἤκουσα· χαιρέτω πόλις.Τειρεσίαςἁνὴρ ὅδʼ οὐκέθʼ αὑτός· ἐκνεύει πάλιν.Κρέωνχαίρων ἴθʼ· οὐ γὰρ σῶν με δεῖ μαντευμάτων.Τειρεσίαςἀπόλωλεν ἡ ἀλήθειʼ, ἐπεὶ σὺ δυστυχεῖς;Κρέωνὦ πρός σε γονάτων καὶ γερασμίου τριχὸς — Τειρεσίαςτί προσπίτνεις με; δυσφύλακτʼ αἰτῇ κακά.Κρέωνσίγα· πόλει δὲ τούσδε μὴ λέξῃς λόγους.Τειρεσίαςἀδικεῖν κελεύεις μʼ· οὐ σιωπήσαιμεν ἄν.Κρέωντί δή με δράσεις; παῖδά μου κατακτενεῖς;Τειρεσίαςἄλλοις μελήσει ταῦτʼ, ἐμοὶ δʼ εἰρήσεται.