καὶ ξυνθανοῦμαί γʼ, ὡς μάθῃς περαιτέρω.Κρέωνἴθʼ, οὐ φονεύσεις παῖδʼ ἐμόν, λίπε χθόνα.Οἰδίπουςὦ θύγατερ, αἰνῶ μέν σε τῆς προθυμίας.Ἀντιγόνηἀλλʼ εἰ γαμοίμην, σὺ δὲ μόνος φεύγοις, πάτερ;Οἰδίπουςμένʼ εὐτυχοῦσα, τἄμʼ ἐγὼ στέρξω κακά.Ἀντιγόνηκαὶ τίς σε τυφλὸν ὄντα θεραπεύσει, πάτερ;Οἰδίπουςπεσὼν ὅπου μοι μοῖρα κείσομαι πέδῳ.Ἀντιγόνηὁ δʼ Οἰδίπους ποῦ καὶ τὰ κλείνʼ αἰνίγματα;Οἰδίπουςὄλωλʼ· ἓν ἦμάρ μʼ ὤλβισʼ, ἓν δʼ ἀπώλεσεν.Ἀντιγόνηοὔκουν μετασχεῖν κἀμὲ δεῖ τῶν σῶν κακῶν;Οἰδίπουςαἰσχρὰ φυγὴ θυγατρὶ σὺν τυφλῷ πατρί.Ἀντιγόνηοὔ, σωφρονούσῃ γʼ, ἀλλὰ γενναία, πάτερ.