σακεσφόροι γὰρ πάντες Αἰτωλοί, τέκνον,λόγχαις τʼ ἀκοντιστῆρες εὐστοχώτατοι.Ἀντιγόνησὺ δʼ, ὦ γέρον, πῶς αἰσθάνῃ σαφῶς τάδε;Παιδαγωγόςσημεῖʼ ἰδὼν τότʼ ἀσπίδων ἐγνώρισα,σπονδὰς ὅτʼ ἦλθον σῷ κασιγνήτῳ φέρωνἃ προσδεδορκὼς οἶδα τοὺς ὡπλισμένους.Ἀντιγόνητίς δʼ οὗτος ἀμφὶ μνῆμα τὸ Ζήθου περᾷκαταβόστρυχος, ὄμμασι γοργὸςεἰσιδεῖν νεανίας,λοχαγός, ὡς ὄχλος νιν ὑστέρῳ ποδὶπάνοπλος ἀμφέπει;Παιδαγωγόςὅδʼ ἐστὶ Παρθενοπαῖος, Ἀταλάντης γόνος.Ἀντιγόνηἀλλά νιν ἁ κατʼ ὄρη μετὰ ματέροςἌρτεμις ἱεμένα τόξοις δαμάσασʼ ὀλέσειεν,ὃς ἐπʼ ἐμὰν πόλιν ἔβα πέρσων.Παιδαγωγόςεἴη τάδʼ, ὦ παῖ. σὺν δίκῃ δʼ ἥκουσι γῆν·ὃ καὶ δέδοικα μὴ σκοπῶσʼ ὀρθῶς θεοί.Ἀντιγόνηποῦ δʼ ὃς ἐμοὶ μιᾶς ἐγένετʼ ἐκ ματρὸςπολυπόνῳ μοίρᾳ;ὦ φίλτατʼ, εἰπέ, ποῦ ʼστι Πολυνείκης, γέρον.