ἐς σφονδύλους ἔπαισε, νωτιαῖα δὲἔρρηξεν ἄρθρα· πᾶν δὲ σῶμʼ ἄνω κάτωἤσπαιρεν ἠλάλαζε δυσθνῄσκων φόνῳ.δμῶες δʼ ἰδόντες εὐθὺς ᾖξαν ἐς δόρυ,πολλοὶ μάχεσθαι πρὸς δύʼ· ἀνδρείας δʼ ὕποἔστησαν ἀντίπρῳρα σείοντες βέληΠυλάδης Ὀρέστης τʼ. εἶπε δʼ· οὐχὶ δυσμενὴςἥκω πόλει τῇδʼ οὐδʼ ἐμοῖς ὀπάοσιν,φονέα δὲ πατρὸς ἀντετιμωρησάμηντλήμων Ὀρέστης· ἀλλὰ μή με καίνετε,πατρὸς παλαιοὶ δμῶες. οἳ δʼ, ἐπεὶ λόγωνἤκουσαν, ἔσχον κάμακας· ἐγνώσθη δʼ ὑπὸγέροντος ἐν δόμοισιν ἀρχαίου τινός.στέφουσι δʼ εὐθὺς σοῦ κασιγνήτου κάρα