ἦλθον πρὸς Ἴδην. τοῦ γὰρ οὕνεκʼ ἂν θεὰἭρα τοσοῦτον ἔσχʼ ἔρωτα καλλονῆς;πότερον ἀμείνονʼ ὡς λάβῃ Διὸς πόσιν;ἢ γάμον Ἀθηνᾶ θεῶν τίνος θηρωμένη — ἣ παρθενείαν πατρὸς ἐξῃτήσατο,φεύγουσα λέκτρα; μὴ ἀμαθεῖς ποίει θεὰςτὸ σὸν κακὸν κοσμοῦσα, μὴ οὐ πείσῃς σοφούς.Κύπριν δʼ ἔλεξας — ταῦτα γὰρ γέλως πολύς — ἐλθεῖν ἐμῷ ξὺν παιδὶ Μενέλεω δόμους.οὐκ ἂν μένουσʼ ἂν ἥσυχός σʼ ἐν οὐρανῷαὐταῖς Ἀμύκλαις ἤγαγεν πρὸς Ἴλιον;ἦν οὑμὸς υἱὸς κάλλος ἐκπρεπέστατος,ὁ σὸς δʼ ἰδών νιν νοῦς ἐποιήθη Κύπρις·