ἀλλʼ ἕρπʼ Ὄλυμπον καὶ κεραυνίους βολὰςλαβοῦσα πατρὸς ἐκ χερῶν καραδόκει,ὅταν στράτευμʼ Ἀργεῖον ἐξιῇ κάλως.μῶρος δὲ θνητῶν ὅστις ἐκπορθεῖ πόλεις,ναούς τε τύμβους θʼ, ἱερὰ τῶν κεκμηκότων,ἐρημίᾳ δοὺς αὐτὸς ὤλεθʼ ὕστερον.

Ἑκάβηἄνα, δύσδαιμον, πεδόθεν κεφαλή·ἐπάειρε δέρην· οὐκέτι Τροίατάδε καὶ βασιλῆς ἐσμεν Τροίας.μεταβαλλομένου δαίμονος ἀνέχου.πλεῖ κατὰ πορθμόν, πλεῖ κατὰ δαίμονα,μηδὲ προσίστω πρῷραν βιότουπρὸς κῦμα πλέουσα τύχαισιν.