οἴμοι, τὰ πόλλʼ ἀσπάσμαθʼ αἵ τʼ ἐμαὶ τροφαὶὕπνοι τʼ ἐκεῖνοι φροῦδά μοι. τί καί ποτεγράψειεν ἄν σε μουσοποιὸς ἐν τάφῳ;Τὸν παῖδα τόνδʼ ἔκτειναν Ἀργεῖοί ποτεδείσαντες; — αἰσχρὸν τοὐπίγραμμά γʼ Ἑλλάδι.ἀλλʼ οὖν πατρῴων οὐ λαχὼν ἕξεις ὅμωςἐν ᾗ ταφήσῃ χαλκόνωτον ἰτέαν.ὦ καλλίπηχυν Ἕκτορος βραχίονασῴζουσʼ, ἄριστον φύλακʼ ἀπώλεσας σέθεν.ὡς ἡδὺς ἐν πόρπακι σῷ κεῖται τύποςἴτυός τʼ ἐν εὐτόρνοισι περιδρόμοις ἱδρώς,ὃν ἐκ μετώπου πολλάκις πόνους ἔχωνἔσταζεν Ἕκτωρ προστιθεὶς γενειάδι.