σῶσαι τόδʼ εὕρημʼ ἐς τὸν ὄντα νῦν χρόνον.Ἴωνἔχει δέ μοι τί κέρδος ἢ τίνα βλάβην;Προφῆτιςἐνθάδε κέκρυπται σπάργανʼ οἷς ἐνῆσθα σύ.Ἴωνμητρὸς τάδʼ ἡμῖν ἐκφέρεις ζητήματα;Προφῆτιςἐπεί γʼ ὁ δαίμων βούλεται· πάροιθε δʼ οὔ.Ἴωνὦ μακαρίων μοι φασμάτων ἥδʼ ἡμέρα.Προφῆτιςλαβών νυν αὐτὰ τὴν τεκοῦσαν ἐκπόνει.Ἴωνπᾶσάν γʼ ἐπελθὼν Ἀσιάδʼ Εὐρώπης θʼ ὅρους.Προφῆτιςγνώσῃ τάδʼ αὐτός. τοῦ θεοῦ δʼ ἕκατί σεἔθρεψά τʼ, ὦ παῖ, καὶ τάδʼ ἀποδίδωμί σοι,ἃ κεῖνος ἀκέλευστόν μʼ ἐβουλήθη λαβεῖν